Chin Community of DFW
Chin miphun cu a ruang tampi ruangah Pathian nih ramkip ah hmunhma a kan khuar ter bantuk in Dallas, Texas, USA khuapi zong ah minung 3000 renglo khua kan sa ve. Khrihfabu pa 7 kan ngei. Kan umnak khua hi a ngan ngai mi a si ve caah umtthutnak cu kan i hlaat ngaingai ve. A tlangpi in Dallas, Lewisville le Fort Worth ah um a si i a dang city pawl zong ah tlawm tete in khua sak asi. Sang khat le sangkhat hi kan i lenkai tikah Suimilam cheu tluk hrawng cio a rau. Kawlram lei in a ra thar mi pawl bawmhnak zung zong tam ngaingai aum. Khrihfabu cio zong nih USA bawmhnak lawng rinh si lo in a phantar mi kan Chin Miphun hawihna bawmhnak rian ah an ti khawh tawk cio ttanlaak a si. Bukip nih miphun zohkhenh tu tete thlahlawh pek in ttuanvo an khinh hna i DFW um Chinmi Khrihfabu pawl cung zong ah lawmh lo awk ttha lo a si. USA bawmhnak zung pawl zong ah kan Chinmi chungin bochantlak tete rianttuanmi an um. Mirang holh in zungkal hau lo in mah Chin miphun holh te in zung kal khawh a sinak a tam ngaingai i a kan cawisang tu Pathiansin zong ah kan i lawm. Lai ram le Lai miphun nih bochan awk a tlak mi DFW um Lai Miphun kan si khawh nak hnga caah, hmunkip ramkip a ummi kan miphun hawi hna nih nan tlacamnak in kan philh hlah u; thla kan in cam pi ve hna.